Kunsten å gå seg vill (med og utan gravemaskin)

Opning på Håsong kunstfestival 27.06 kl.13:00

Det var ikkje første gonga eg gjekk meg vill. Eg hadde gått meg vill før. Med vilje. Så ofte at ein kanskje kan definere det som eit trekk ved min natur. Eit slags behov for å labbe direktte inn i auge på det ukjende for å oppdage noko eg ikkje visste at var. Der.

Andre gonge går eg baklengs gjennom terreng eg har passert før. For å sjå ting frå ei anna side. Det som har vore, via eit anna perspektiv. Leitande. Bak løa. Under steinane. I sogene. I skuggen til gnomen som hadde fått ein stor fisk. Valkyriene. Nordljoset. Det som er verdt å halde fast. Vinden. Verdiar som motsats til pengar. Bildekk. Skuggen som glir over graset. Familien. Eventyra. Regnet som blir borte i den mørke jorda. Glatt. Snuble. Klamre seg. Gravemaskina. Draumen. Sleppe taket. Bokstavane fastspikra på veggen. Redsla for å vere svak. Redsla for å miste. Naturen. Telefonleidningar. Eg har sagt det før; det fins menneske som aldri har holdt ei neve jord. Som aldri har holdt ein draum lenge nok til å bli svart under neglene. Røyrsystem. Flytande. Etter kvarandre. Hammer. Navigere. Kanskje. Kan skje. Naturen er ikkje ei kulisse, er ikkje lausrevet frå deg.

Det var den dagen det gjekk opp for meg at ein ikkje kan forklare ein hare kva det vil sei å gå seg vill.

Salsutstilling.

Utstillinga står til 14 juni.

Opningstider: SJÅ “OPNINGSTIDER” I MENY PÅ NETTSIDA.

Arne Ingvaldsen arbeider med installasjonar, kunst i offentleg rom, teikning og maleri. Det som viser seg i alle desse aktivitetane er interessa for rom og komposisjon.

I Den Grøne Fabrikken viser han maleri som uttrykker seg i eit abstrakt, geometrisk formspråk. Bilda består av former som er klart todimensjonale. Dei  illuderer ikkje rom ved hjelp av sentralperspektiv. Men i desse flate romma oppstår likevel forestillingar om tredimensjonale rom. Det oppstår spenningar mellom formene, og mellom det plane bildet og forestillingar om rom.

I det siste har han arbeidd mest med striper og ymse felt. Dei lar på ein enkel måte fargar vise seg mot kvarandre, indikere sprang i rom og skiftande stemningar.

Tonar og valørar antyder rom, men blir haldne innafor ei klar todimensjonal flate.

Boka "Å ta eit rom", av Arne Ingvaldsen, vil bli lagt ut for salg i Galleributikken vår.

Kulturskulen 50 år - kunstutstilling på Den Grøne Fabrikken

Den 17. april kl 17:00 vert det opning av kulturskulen sin jubileumsutstilling på Den Grøne Fabrikken. Her får de sjå mange ulike kunstformar, og kunstnarane sjølv vert med og presenterer. Det vert i tillegg musikalsk innslag av elevar frå kulturskulen. Utstillinga vert ståande i begrensa periode. Gå ikkje glipp av dette. Gratis inngang og arrangementet passar for store og små

Utstillarar:
- Elevar frå Visuell Kunst
- Elevar frå prosjektet Nevenyttig på Osterøy Ungdomsskule (tradisjonshandverk)
- Ungdommar som har delteke på hatteworkshop saman med Else Karin Tysse Bysheim og Maia Birkeland

GRØNN PORTAL

Malerier av Judy Sirks Vevle

Kunstutstilling i Den Grøne Fabrikken

Velkomen til utstillinga GRØNN PORTAL.

Salsutstilling.

Utstillinga står til 14.april 2026.

Opningstider:

Måndag 13-19

Onsdag 13-16

Sundag 13-16

EGNE OPNINGSTIDER I PÅSKA. SJÅ “OPNINGSTIDER 2026” I MENYEN.

GRØNN PORTAL

måleri av Judy Sirks Vevle

Biletkunstnar Judy Sirks Vevle (f. Bergen) presenterer utstillinga GRØNN PORTAL i Den Grøne Fabrikken. Utstillinga byggjer vidare på måleriserien Refleksjoner over en vissen bregne (2025), der kunstnaren undersøkjer naturen sine syklusar av liv, forfall og transformasjon.

Gjennom motiv av visne plantar, nedbroten vegetasjon og skogbotn løfter Vevle fram det som ofte vert oversett i landskapet. Forfallet vert ikkje forstått som eit endepunkt, men som ein del av eit økologisk krinsløp, inspirert av økofilosofiske perspektiv.

Prosjektet har òg eit personleg utgangspunkt. Kunstnaren si erfaring med sorg og tap – knytt til mora si sjukdom – speglar seg i motiva av natur som sakte vert broten ned. Den visne bregna vert eit bilete på kontrasten mellom vitalitet og forfall, styrke og tilbaketrekking.

Formalt kombinerer Vevle flytande, rennande bakgrunnar med meir kontrollerte penselstrøk i framgrunnen. Måleria balanserer mellom abstraksjon og figurasjon og søkjer å skape både romlegheit og eit sansande uttrykk.

24., 25. og 26. februar | kl. 10–14
📍 Den Grøne Fabrikken
💚 Gratis å delta – måltid inkludert
⚠️ Begrensa antal plassar – førstemann til mølla

I vinterferien inviterer me til tre kreative dagar på Den Grøne Fabrikken 🌿
Dette er eit gratis dagtilbod for born og ungdom, der skaparglede, fellesskap og utforsking står i sentrum.

👩‍🎨 Dagane blir leia av kunstnarane Linn Monica Børresen og Else Karin Tysse Bysheim.

🕺 Kvar dag startar med litt Yoga og bevegelse, for å få i gang både kropp og kreativitet.
✍️🧵 Deretter jobbar me med teikning med blyant og tråd, og vidare med søm og tekstil – både for hand og på symaskin.
Her får deltakarane utforske ulike uttrykk, teknikkar og materialar på ein leiken og trygg måte.

🍽️ Det blir servert eitt måltid kvar dag.

🗓 Aldersinndeling:

• 24. februar: 6–8 år

• 25. februar: 9–12 år

• 26. februar: 13–16 år

🕙 Tid: kl. 10–14

Påmelding til Arno Småland Isvik på tlfnr: 469 78 421

🤝 Arrangementet er støtta av BufDir og er ein del av Den Grøne Fabrikken sitt arbeid med inkluderande kulturtilbod for born og unge.